எல்லோருடைய மனதிலுமே நிச்சயம் எப்போதும் சில வினாக்கள் தோன்றிக்கொண்டே இருக்கும். வினா இல்லா மனம் வெற்றுத்தாளுக்கு சமம் என்று கூட கூறலாம். சில வினாக்களுக்கு விடைகள் இருப்பதில்லை. காரணம் இந்த வினாக்களுக்கு விடை தெரிந்தவனான கடவுள் வாய் திறப்பதில்லை என்பதால்.. இன்னும் சில வினாக்களுக்கு தேடியலைந்து விடையை கண்டுபிடிக்க வேண்டியிருக்கும். விடைகள் சாதகமாகவோ பாதகமாகவோ இருக்கக்கூடும். மேலும் சில கேள்விகளுக்கு பதிலே தெரியாமல் இருப்பது நல்லதே என்று கூட நினைக்கத் தோன்றும்.
இந்தப் பதிவில் நான் சொல்ல விழைகின்ற விடயம் “ நாம் ஒர் விடயத்தினை செய்யும் முன் எம்முள் வினா எழ வேண்டும்” என்பதே. அண்மையில் என் நண்பருக்கும் எனக்குமிடையில் முகநூலில் கருத்து பகிர்வது தொடர்பில் சிறு பிரச்சினை ஒன்று தோன்றியிருந்தது. நான் முகநூலில் இட்ட பதிவினை அவர் இருமுறை நீக்கிவிட்டார். நான் ஏன் என கேட்ட போது தன்னுடைய சகோதரன் யாரென கேட்பார் என பதிலளித்தார். நான் எதிர் கேள்வியாக மற்றவர்கள் “Dear” போடுவதைப் பற்றி அவர் கேட்கமாட்டாரா? என்று கேட்டு மூன்று நாட்களாக போரொன்றையே (????) தொடுத்திருந்தேன். இது மிகச்சிறியதொரு விடயம் ஆனால் என்னைப் மிகவும் பாதித்தது மட்டுமல்லாது நிறைய சிந்திக்கவும் கூட தூண்டிய விடயம்
போரின் இறுதிகட்டத்தில் அவரை வார்த்தைகளால் நான் காயப்படுத்திய தருணத்தில் என் மனதில் சில கேள்விகள் எழுந்திருந்தன. அவற்றிற்கான விடையை காண முயன்ற வேளை உரிமைச் சண்டை போட தோனவில்லை. சமாதானமாகி விட்டேன். ஆனால் சில உறுதியாக முடிவுகளுடன்….
அப்போது தோன்றியதொரு விடயம் இக் கேள்விகள் எனக்கு ஏன் முன்பே தோன்றவில்லை என்று என்னை நானே கேட்டுக்கொண்டேன்.
இவ்வாறான உறவுகளுக்கிடையான சிறு விரிசல்களை போக்குவதற்கும், பல சந்தர்ப்பங்களில் சங்கடப்படாமல் இருப்பதற்கும் சில வினாக்கள் எம்முள் தினம் எழ வேண்டும்
• (நான்) யார்?
• எங்கு?
• ஏன்?
• எப்போது?
• எதற்காக?
• விளைவு என்ன?
இவை எம் மனதில் ஒன்றை செய்யும் முன்போ அல்லது ஒரு விடயத்தை பேசும் முன்போ எழுமாகவிருந்தால் எவ்வளவோ பிரச்சினைகளை தவிர்த்துக் கொள்ளலாம். வீண் எதிர்பார்ப்புகளுக்கு முற்றுப்புள்ளி வைக்கலாம் அல்லது மிகமுக்கியமாக அடுத்தவர் மனதை புண்படுத்துவதை தடுக்கலாம்.
கல்வியில் கேள்விக்கான பதில்கள் எம் அறிவை பெருக்குகின்றன. வாழ்க்கையில் எம்முள்ளான கேள்விகள் எம்மை செதுக்குகின்றன.
No comments:
Post a Comment