அதிகாலையில் கண் திறவாமல்
தலையணையின் கீழ் - நான்
தேடும் அது….- என்
கனவுலகின் ஆதாரம் - என்
சோகங்களின் வடிகால் - அதை
எங்கே வைத்து விட்டேன்?
என் பருவகாலத்து பொக்கிஷம்
என் மனதின் முதற் சித்திரம் -என்
இராக் கனவின் மூலதனம் - அதை
எங்கே வைத்துவிட்டேன்?
புத்தக அடுக்குகளை புரட்டியாகிவிட்டது
தலையணைகளை தட்டியாகிவிட்டது
உடைகளை உதறிப்பார்த்தாகிவிட்டது
குப்பைக் கூடையைக் கூட கொட்டிப்பார்த்தாகிவிட்டது
எங்கேயது…..? – என்னளவிலான
மனித தேடல் முடிவுபெற
இறை நேர்த்தியும் வைத்தாகிவிட்டது
தேடுகிறேன்…
தேடுகிறேன்….
உள்ளுணர்வு ஏதோ சொல்ல – என்
நாட்குறிப்பைத் திருப்புகின்றேன் - இதோ
கிடைத்துவிட்டது
என்னவனின் புகைப்படம்….
No comments:
Post a Comment