நமக்குள் பெரிதான தூரங்கள் இருப்பதில்லை அன்பே…..
நமக்குள் பெரிதான தூரங்கள்
இருப்பதில்லை அன்பே…..
தொலைவில் உள்ள நிலவு
மனதிற்குள் நெருக்கமாவதில்லையா….?
பல்லாயிரக்கணக்கான மைல் தொலைவிலுள்ள
சூரியன் சுட்டெரிப்பதில்லையா…?
அது போல் நமக்குள்
பெரிதான தூரங்கள் இருப்பதில்லை….
அன்றும்..
இன்றும்…
என்றும்….
கூட்டத்தில் ஒருவனாக நீ
சற்றே மறைவில்
கூடுவிட்டு பாய்ந்து கொண்டிருக்கின்றேன் நான்…
நமக்குள் பெரிதான தூரங்கள்
இருப்பதில்லை அன்பே…
அறமும்…
பிடிவாதங்களும்…
கொஞ்சமான ஈகோவும்….
போதும் - நம்
இடையான தூரங்களை
அளப்பதற்கு…..
மற்றும் படி…
நமக்குள் பெரிதான தூரங்கள்
இருப்பதில்லை அன்பே…
அரியாலை (08.10.2025)
Comments
Post a Comment