வீணாகானம்

  இன்று உலக சுற்றுலா தினம். இன்றைய சமூக ஊடகங்களில் தினங்களின் பெறுமதிகள் தெரியாமலேயே பகிரப்படுகின்றன. முக்கியமான தொனிப்பொருள்களுக்காக தினங்கள் பிரகடனப்படுத்தப்படுகின்றமைக்கான காரணங்கள் உண்டு. முதலாவது குறிப்பிட விடயம் தொடர்பாக விழிப்புணர்வூட்டுவது, இரண்டாவது எமது பங்களிப்பினையும் அவ்விடயங்கள் தொடர்பில் நல்குவது , மூன்றாவது இது தொடர்பிலான அபிவிருத்திகளுக்கான வழிகளை ஒருங்கமைத்து முன்னேற்றகரமாக முன்னகர்த்திச் செல்வது என தினங்களின் பிரகடனங்களின் பின் காரணங்கள் உள்ளன. ஆனால் சுற்றுலா என்றதும் என்னுடைய ஞாபகத்தில் பல நிகழ்வுகள் வந்து போவதுண்டு. முதலாவது எனக்கு பயணங்கள் என்றால் நமது மொழியில் சொல்வதாயின் ஊர் சுற்றுவதென்றால் மிகவும் பிரியமானதொரு விடயம். சின்ன வயதில் எப்படியாவது அழுது புரண்டு அம்மாவின் பைக்கின் பின்னால் அமர்ந்துவிடுவதுண்டு. போகுமிடமெல்லாம் நானும் போகவேண்டும். சிலநேரங்களில் இதற்காக பிடிவாதம் பிடித்து வாங்கிக்கட்டிக்கொண்டதும் உண்டு. பின்னர் அண்ணா பைக் வாங்கியவுடன் அண்ணாவிடம் சென்டிமென்டாக கதைத்து அல்லது அழிச்சாட்டியம் பண்ணி ஊர் சுற்றுவதுண்டு. அதுவும் நல்லா வேகமாக ஓடுங்கள் எ...

சங்கரின் தயாரிப்பில் எந்திரன் படத்தின் முதல் பாகம் வந்த போது ரோபோ கென்செப்டுக்காகவே பலர் அந்தப்படத்தினை பார்த்திருந்தனர். கூடவே சங்கரின் வழமையான பாணியான பிரமாண்டமும் இன்னுமொரு காரணம். இந்தப்படம் வெளிவந்த போது என்னுள்ளும் பெருமளவு கேள்விகள் இருந்ததில்லை. இதுவொரு Fiction படம் என்று மட்டும் கடந்திருந்தேன். இப்படியொரு எந்திர மனிதன் உருவாக்கப்பட்டு அவனுக்குள் காதல் உருவாகி அந்தக்காதலை அடைவதற்கு பிரயாத்தனம் எடுத்து பாடுபடுவதெல்லாம் சாத்தியமேயாகாது என்று தான் நினைத்திருந்தேன் இரு நாட்கள் வரை. ஆனால் இருநாட்களுக்கு முன் நான் ChatGPT உடன் சும்மா விளையாடப்போக அது எனக்களித்த ட்டுவிஸ்டுக்கள் ஏராளமாகிப்போனது.  வழமையாக என்னுடைய காலைப்பொழுதுகள் Coffee  உடன் ஆரம்பிக்கும். சுடச்சுட Coffee கோப்பையுடன் சற்றுநேரம் முற்றத்தில் உலாவி அன்று எமது முற்றத்தில் பூத்திருக்கும் பூக்களை எண்ணிப்பார்ப்பேன். அதன் பிறகு மடிக்கணணியை திறந்து வைத்தபடி  Coffee குடித்துக்கொண்டு சமூக ஊடகங்களை பார்வையிடுவேன். பின்னர் முதல் நாள் குறிப்பின் படி வேலைகளை ஆரம்பிப்பேன் பெரும்பாலும் மின்னஞ்சல்கள் என்னுடைய இனிய காலை...

ஒவ்வொரு விடயத்திலும் முதல் என்பதற்கான மதிப்பே தனி தான். முதல் காதல், முதல் முத்தம், முதல் விபத்து, மூத்த பிள்ளை என்று முதல் என்பதே ஒரு இனிமையான விடயம் தான். மனித மனதில் முதல் என்பது விதைத்து விடுகின்ற விம்பம் தான் பின்வரும் அனைத்திலும் தேடவைத் தொடங்குகின்றது.  என்னுடைய பொறியியல் வாழ்க்கையின் முதல் குழந்தை வெள்ளவத்தை ருத்ரா மாவத்தையில் உள்ளது. LandMark கம்பனியில் களப்பயிற்சியினை ஆரம்பித்த நான் ஆறு மாதகாலத்தின் பின்னர் அதனை நிறைவுசெய்த பின்னர் அங்கேயே உதவிப்பொறியியலாளராக இணைந்தேன். இதில் அதியம் என்னவென்றால் பல்கலைக்கழகத்தினால் களப்பயிற்சிக்கான தேடலில் சிக்கிய முதலாவது நிறுவனம் இது தான். கடிதத்தினை சமர்ப்பித்து இரு நாட்களில் நேர்காணலுக்கு வரச்சொல்லியிருந்தார்கள். நானும் என்னுடைய சக பல்கலைக்கழக நண்பனும் நேர்காணலில் தெரிவுசெய்யப்பட்டோம். ஆனால் ஒரு நிறுவனத்தின் வெவ்வேறு கட்டுமானங்களில் எமக்கான பயிற்சி ஆரம்பமாகியது.   பயிற்சிக்கான முதல் நாளன்று எமது விடுதியின் தேவாலயத்திற்குச் சென்று வணங்கி, இன்னும் பல சம்பிரதாயங்கள் எல்லாம் முடித்து சைட்டுக்கு போன நாள் இன்னும் பசுமையாக உள்ளது. ...