18 Years of Cheeni Kum: Film asks women to contain question the "Sweetness" conditioned into us.....
லண்டனைக் கதைக்களமாக கொண்டதொரு திரைப்படம் இது. நிறைய பெருமைத்தனமும் ஈகோவும் கொண்ட புத்ததேவும் சுதந்திர உணர்வும் யதார்த்த சிந்தனையும் கொண்ட நீனாவும் சந்தித்துக்கொள்வதும் இவர்களுக்கிடையான காதலும் இப்படத்தின் கதை என்று சுருக்கமாக கூறலாம். எனினும் இவ்விரு பாத்திரங்களுக்கிடையான முரண்களின் பட்டியல் மிகவும் நீண்டது. சொந்த உணவகம் ஒன்றை நடாத்தி வருகின்ற Chef புத்ததேவ்விற்கு வயது அறுபதிற்கு மேல். தன் கீழ் பணிபுரிகின்ற ஏனைய Chef களின் சிறு தவறுகளையும் கூட பெரிதாக்கி சத்தமிடுகின்றதொரு கறாரான பாத்திரம். இவ்வாறு நகர்கின்றதொரு நாளில் தயாரித்து வாடிக்கையாளர்களுக்கு அனுப்பிய உணவு திரும்பி அனுப்பப்படுகின்றது. ஏன் என புத்ததேவ் வினவ இதில் குறை இருப்பதால் குறிப்பிட்ட நபர் திரும்பி அனுப்பி விட்டார் என பதிலளிக்கப்படுகின்றது. யாரந்த நபர் என்று பார்ப்பதற்கு வெளியே வரும் புத்ததேவ் நீனாவை சந்திக்கின்றார். வழமை போன்று தன் பக்கமுள்ள பிழையை ஆராய முன்னர் எல்லார் முன்னிலையிலும் கத்த நீனா ஏதும் பேசாமல் தன் நண்பியுடன் வெளியேறிவிடுகின்றார். அடுத்த நாள் வழமையான இயல்பாக தன்னுடைய பணியாளர்களுடன் கோபத்தி...