காதலித்து விடுங்கள்..............
அல்லது ஒன்றினை
வலிக்க வலிக்க காதலித்து விடுங்கள் - அது போதும்
இந்த குறுகிய வாழ்விற்கு...
அழகு என்கின்ற எடை போடல்
அறிவென்ற மயக்கம்
பணம் மீதான பேராசை
பதவி மீதான மோகம்
கண்டதுமான ஈர்ப்பு
காதலித்தே ஆகவேண்டும் என்கின்ற நிர்ப்பந்தம்
கட்டமைப்புக்கள்
கடமைகள்
தெரிவுகள்
உடல்பசி
இதில் எதுவும் வேண்டாம்.
இதில் வந்தது எதுவும் வேண்டாம்......
யாரோ ஒருவரை - அல்லது
ஏதாவது ஒன்றை
உயிர் அறுக்க....
உள்ளம் வலிக்க.....
மனம் கொதிக்க....
உடல் பொங்க.....
கண்ணில் நீர் கோர்த்தப்படி....
திகட்ட திகட்ட.....
போதும் என்று சொல்லும் அளவுக்கு......
எந்தவித சுயநலமும் இல்லாமல்...
நீயில்லை என்று தெரிந்த மறுநிமிடமே
நானுமில்லை என்று உணர்வால் சொல்வது போல.....
தொலைந்து போய்...
கரைந்து
உருகி
வெந்து தணிந்து.....
மிதப்பது போல
யாரையாவது ஒருவரை
அல்லது ஒன்றினை
வலிக்க வலிக்க காதலித்து விடுங்கள் - அது போதும்
இந்த குறுகிய வாழ்விற்கு...
அல்லது வாழ்வதற்கு.....!
Comments
Post a Comment